Milutin Osmajić će do kraja januarskog prelaznog roka napustiti Kadis i drugi dio sezone provesti negdje na pozajmici, javljaju španski mediji.
Fudbaler iz Nikšića je ljetos iz Sutjeske pojačao Kadis ali se nije naigrao u prvom dijelu sezone. On je potpisao trogodišnji ugovor ali trenutno nije u planovima novog trenera, Serhija Gonzalesa, pa će minute tražiti u nekom od klubova iz Segunde.
Osmajić je bio odličan u predsezoni, u prvom dijelu sezone nastupio na 10 mečeva ali na samo dva kao startni igrač.
Ekipa Kadisa se ne može pohvaliti ofanzivom jer su na 22 meča postigli svega 19 golova, a Milutin se još uvijek nije upisao u strijelce.
Postigao je jedan pogodak u Kupu Španije, protiv niželigaša u pobjedi 7:0.
