Glavna zvijezda Milvoki baksa Janis Adetokumbo nakon eliminacije od Majami hita ljutito je odgovorio na pitanje novinara i kao primjer naveo Majkl Džordana.
Milvoki je eliminisan već u prvom kolu plej-ofa Istoka od ekipe Majamija rezultatom 4:1. Baksi su na svom terenu posle produžetaka poraženi od Majamija 128:126.
Nakon meča odgovarao je na pitanja na konferenciji za medije a kada ga je novinar ESPN-a pitao smatra li da je sezona neuspješna za njegov tim ljutito je odgovorio da mu je postavio isto pitanje kao i prošle godine.
“A ti? Da li svake godine dobiješ unaprjeđenje. Ne, to je to? Pa da li svaka godina rada vodi do neuspjeha? Da ili ne? Ne. Zašto mi onda postavljate to pitanje? To je pogrešno pitanje. Nema neuspjeha u sportu! Postoje dobri i loši dani, nekim danima možete da budete uspješni, u drugima ne. Nekim danima je vaš red, drugim nije. To je suština sporta, niijesu uvijek pobjede”, rekao je Janis Adetokumbo.
Kao primjer naveo je Majkla Džordana koji je osvoji šest titula u karijeri koja je trajala 15 godina ali to ne znači da je u preostalih devet bio neuspješan.
“Svake godine radite prema cilju. Majkl Džordan je igrao 15 godina i osvojio šest titula. Da li je ostalih devet godina neuspjeh? Ne pobjeđujemo uvijek. A ove godine pobijediće drugi tim. Od 1971. do 2021. godine nismo osvojili titulu 50 godina, da li je to bilo 50 godina neuspjeha. Ne, to su bile faze i na kraju smo bili spremni da osvojimo jednu. I nadamo se da ćemo osvojiti još jednu”, dodao je Janis.
Pročitajte i ovo:
