Boven udaljio Arsenal od titule - gosti slave u Premijer ligi

U engleskoj Premijer ligi u popodnevnom terminu od 16 sati, najveće iznenađenje priredili su fudbaleri Vest Hema koji su na gostovanju Arsenalu slavili minimalnu pobjedu.

Jedini pogodak na meču postigao je Boven koji je u 44. minutu matirao golmana Davida Raju.

Bio je ovo njegov 50. gol u Premijer ligi kojim je prekinuo Arsenalov niz od 15 utakmica bez poraza.

I na preostala četiri meča, koja su počela od 16 časova pobjede su slavili gostujući timovi.

Registrujte se uz promo kod SPORT, preuzmite bonus i kladite se na najbolju sportsku ponudu klikom OVDJE.

Minimalnu pobjedu slavio je Vulverhempton protiv Bornmuta golom Kunje.

Totenhem je slavio rezultatom 4:1 protiv Ipsviča na “Portman roudu”.

Brenan Džonson je sa dva gola u 18. i 26. minutu najavio pobjedu, da bi konačan rezultat prvog poluvremena postavio Hatčinson koji je u 36. minutu postigao jedini pogodak za Ipsvič.

U nastavku su golovi Spensa u 77. i Kuluševskog u 84. minutu postavili konačan rezultat.

Brajton je sa četiri gola uspješno preskočio gostovanje Sautemptonu.

Golove za “galebove” postigli su Žoao Pedro (23’), Ruter (56’), Mitoma (71’) i Hinshelvud (82’).

Kristal Palas je na gostovanju Fulamu slavio rezultatom 2:0.

Poslije autogola Andersena (37’), Munjoz je u 66. minutu postavio konačan rezultat.

Pročitajte i ovo: Roganović asistent – podjela bodova uz šest golova na 175. “vječitom derbiju”