Rijeka se oprostila od Lige šampiona, i to na jeftin način.
Izabranici Radomira Đalovića imali su 1:1 u Razgradu protiv Ludogoreca nakon 0:0 na domaćem terenu, bio je finiš meča i ukazivala se širina produžetaka – a onda je prvak Hrvatske ostao bez dva igrača.
I to dva napadača – Rukavina, pa Fruk, dobili su crvene kartone!
Izdržao je Đalovićev tim prvi produžetak sa devetoricom, ali nije mogao i drugi – Ludogorec je slavio 3:1 i prošao dalje.
“Čestitam Ludogorecu što je prošao dalje. Mislim da smo zaslužili puno više. Zaslužili smo prolaz. Kao što sam rekao i prije prve utakmice – Evropa ne prašta greške. A mi smo u Razgradu napravili dvije ogromne greške – dva crvena kartona. To je nemoguće! Taman kada smo izjednačili, vratili se, imali sve pod svojom kontrolom”, kazao je Đalović.
REGISTRUJTE SE i pratite svoju omiljenu ponudu na jednom mjestu.
Riječi su same navirale…
“Uvjeren sam, da smo ostali s barem samo jednim igračem manje na terenu da bismo izdržali, možda i prošli. Ovako, s dva igrača manje bilo je preteško. Posebno u drugom produžetku. Prvi smo nekako uspjeli da se spasimo. Čestitam momcima. Mislim da su ‘izginuli’, dali baš sve od sebe. Ali nije nas nagradilo, nismo uspjeli. Idemo dalje. Prva sljedeća utakmica je Slaven Belupo”, istakao je Đalović.
Rijeka se seli u 3. kolo kvalifikacija za Ligu konferencija, a rival joj je irski Šelbrun.
Pročitajte i ovo: Dečić u Beču igra za iskustvo i utisak – da barem otežaju austrijskom velikanu
