Internacional je zahvaljujući boljem izvođenju jedanaesteraca savladao Zabjelo rezultatom 3:2 u finalu regije “Centar” i izborio plasman u doigravanje za Drugu ligu.
Nakon 90 minuta na Trening kampu OFK Titograda bilo je neriješeno 1:1.
Internacional je odlučno otvorio utakmicu i poveo već u četvrtom minutu, kada je Dragaš sa oko deset metara iskosa sa lijeve strane zatresao mrežu protivnika.
Zabjelo je izjednačilo u 29. minutu, kada je Adžović odlično iz prijema podigao loptu i sa desetak metara matirao Vujisića.
Rezultat se nije mijenjao do kraja meča, pa je pitanje posljednjeg putnika u doigravanje za Drugu ligu odlučilo izvođenje jedanaesteraca.
Registrujte se uz promo kod SPORT, preuzmite bonus i kladite se na najbolju sportsku ponudu klikom OVDJE.
Junak pobjede bio je golman Internacionala, Vujisić koji je odbranio udarac Došljaka, dok su kod Zabjela neprecizni bili Gluščević i Ćetković.
Ekipa Zorana Tripkovića će se za plasman u viši rang boriti sa Slogom iz Starog Bara i Beranama.
Pobjednik ovog doigravanja ide direktno u Drugu ligu, dok će drugoplasirani i trećeplasirani razigravaju sa osmoplasiranom i devetoplasiranom ekipom iz većeg ranga.
Pročitajte i ovo: Ljajić želi da vrati bivše igrače: Partizan već kontaktirao Jovetića i Savića
