SERIJA A: Milan siguran na startu sezone, blistali Pulišić i Žiru

Fudbaleri Milana su u gostima savladali Bolonju rezultatom – 2:0, na startu nove sezone u Seriji A.

Rosoneri” su odigrali odličan meč na “Dal’ Ari” i potpuno zasluženo su ostvarili pobjedu najavivši tako dobru sezonu.

Gosti su poveli već u 11. minutu kada je na dodavanje sjajnog Rijndersa pogodio iskusni Žiru.

Samo deset minuta kasnije sve je riješeno, a strijelac je bio novajlija Kristijan Pulišić, a asistenciju je upisao strijelac prvog gola – Žiru.

I Bolonja je pokazala dosta dobru igru, imala je nekoliko finih prilika, ali nije uspjela da se vrati u meč.