Vratio se Dušan Vlahović u reprezentaciju Srbije nakon što je propustio oktobarski prozor u Ligi nacija.
Napadač Juventusa odigrao je dosta dobru utakmicu protiv Švajcarske (1:1), a imao je i par prilika.
“Sigurno je bilo jako teško. I mi i oni smo imali dobre šanse, meč je mogao da ode u bilo kojem smjeru. Poveli su 1:0, naše je bilo da odgovorimo. Nije nam se dalo, htjeli smo da dođemo i do drugog gola, ali nije bilo vremena. Čestitao bih svojim igračima na borbi i istrajnosti i možemo da igramo sa svima kada igramo kao tim. Očekuje nas već za tri dana teška utakmica u Leskovcu”, kazao je Vlahović za “RTS”.
Vlahović je asistirao Terziću kod izjednačujućeg gola u Cirihu.
“Generalno u tim akcijama gledam iako sam napadač, saigrača koji je u boljoj poziciji. Mitar je bio na lijevoj strani, Terza je bio sam u sredini, štoperi su raširili, bio je u ofsajdu, ali kako sam vukao loptu, čekao sam da se izvuče što je on prepoznao i poslao pravovremenu loptu. Pogodio je malu mrežu i čestitam mu na tome”, naveo je Dušan.
Srbija će za plasman u plej-of igrati protiv Danske, u ponedjeljak, na svom terenu.
