Trener košarkaša Budućnosti, Aleksandar Džikić, rekao je da je Partizan zasluženo odnio pobjedu u devetom kolu ABA lige.
Partizan je u Areni savladao Budućnost sa 75:66.
Džikić je istakao da je njegovu ekipu koštalo to što je imala loše napadačke odluke u posljednjoj dionici.
“Pobjeda je zaslužena, igrao je svih 40 minuta. Mi smo imali otvorene šuteve na 58:56, bili smo blizu, a onda su oni poentirali iz grešaka koje nisu naša karakteristika. I to lakše nego iz postavljenih napada. Žao mi je što beogradskoj publici nismo uspjeli da se predstavimo u kompletnom sastavu, ali valjda će biti prilike”, istakao je Aleksandar Džikić.
