Generalni menadžer Baskonije: Želimo da Henri i Polonara ostanu

Generalni menadžer Baskonije, Feliks Fernandez, pričao je o budućnosti Henrija i Polonare sa njihovim timom.

“Uvijek će biti priče oko dobrih igrača. To je realnost. Oni su igrači koje mi želimo i dalje u našem timu i mi smo im to i pokazali” – rekao je generalni menadžer Baskonije o obojici.

“Mi to ne pokazujemo nedelju ili dvije, mi smo u tome već mjesecima. Ali ovo je zakon marketa. Priče će uvijek biti. Ja sam čuo toliko transfera tokom godine. Naša želja je da oni ostanu u klubu. Igrači to znaju, agenti to znaju, radili smo i radimo na tome interno i vidjećemo šta će reći vrijeme.”

Prema pisanjima evropskih medija, obojica, Pjer Henri i Ahil Polonara su velike želje Fenerbahčea za narednu sezonu.