Džon Braun otkrio je sa kakvim se stvarima suočio i kakve je prijetnje dobio tokom četvrtfinalne serije između Monaka i Makabija.
Monako je imao istorijsku sezonu. Tim Saše Obradovića prvi put u istoriji postao je šampion Francuske. Imali su mnogo uspjeha i u Evroligi, gdje su osvojili treće mjesto.
”Bilo je haotično. Mnogo njihovih navijača mi je pisalo i govorilo šta će se desiti. Rekli su da će me čekati ispred dvorane i da će mi svašta raditi. Kada smo išli prema dvorani blokirali su nam put, gađali autobus, nikada nijesam vidio tako nešto.” rekao je Braun.
Monako je okončao svoju seriju uspješno i sa 3:2 u pobjedama eliminisao ‘ponos Izraela’.
