Francuski centar Matjas Lesor napustio je Partizan i pojačao redove grčkog Panatinaikosa, a danas se emotivnom porukom oprostio od kluba i navijača.
Francuz će potpisati dvogodišnji ugovor sa Panatinaikosom nakon odlične sezone u Partizanu gdje je izabran u idealnu petorku Evrolige.
Za kratko vrijeme Lesor je postao miljenik navijača Partizana, a dao je i značajan doprinos u osvajanju titule u ABA ligi.
Danas je preko društvenih mreža poslao poruku navijačima i klubu.
“Nisam godinu i po dana igrao za Partizan, živio sam Partizan! Hvala Partizanu što je vjerovao u mene i pružio mi priliku. Nedostajaće mi tim, saigrači, stručni štab. Ova sezona je bila posebna i pamtiću je do kraja života.
Grobari uvijek ćete mi biti u srcu. Hvala vam što ste me prihvatili, promijenili mi život, hvala što ste imali takav uticaj na mene i moju porodicu. Nosiću drugi dres sljedeće godine, ali sam do kraja života Grobar. Hvala ti na svemu porodico”, napisao je Lesor na Instagramu.
Lesor je prije Partizana nastupao za Makabi, Monako, Bajern Minhen, Malagu, Crvenu zvezdu Meridianbet, Nanter i Šalon.
Pročitajte i ovo:
