Los Anđeles Lejkersi su opravdali ulogu favorita i na svom parketu su bili bolji od Toronto Reptorsa rezultatom 110:93.
Nakon uvodnih +9 za ekipu Reptorsa, Lejkersi su u potpunosti preuzeli kontrolu nad utakmicom od sredine drugog kvartala i do poluvremena stigli do preokreta, bilo je 55:54.
U drugom poluvremenu izabranici Darka Rajakovića su potpuno potonuli, imali su -7 pred posljednjih 12 minuta košarke u ‘gradu anđela’.
Furiozno su Lejkersi otvorili odlučujuću četvrtinu i serijom 16:3 stigli su do 18 poena prednosti na pet minuta prije kraja. Reptorsi se do kraja nijesu oporavili od toga, pa su na kraju upisali poraz rezultatom 110:93.
Great day in LA 💛 pic.twitter.com/bScsjhO359
— Los Angeles Lakers (@Lakers) January 19, 2026
De'Andre Ejton je briljirao sa 25 poena i 13 skokova, uz savršenih 10/10 šuta iz igre. Luka Dončič je imao takođe 25 poena, uz dva skoka i sedam asistencija, dok je LeBron Džejms ubacio 24, uz sedam asistencija i četiri skoka.
Kod Toronta najbolji je bio Skoti Barns sa 22 poena, Mamukelašvili je sa klupe ubacio 20, Brendon Ingram poen manje, a dvocifren je bio još Marej-Bojls sa 11 poena, uz sedam skokova i pet asistencija, kao i tri blokade.
Toronto Reptorsi su sada na četvrtom mjestu Istočne konferencije sa skorom 25-19, dok su Lejkersi šesti na Zapadu sa učinkom 25-16.
REGISTRUJTE SE i pratite svoju omiljenu ponudu na jednom mjestu.
