ADVOKAT ŠONA KEMPA: Pucao je u samoodbrani

Advokat legendarnog NBA košarkaša Šona Kempa, Skot Boutman, objasnio je situaciju u kojoj se prije dvije noći našao njegov klijent.

Šon Kemp je uhapšen u Takomi nakon pucnjave u kojoj, srećom, nije bilo povrijeđenih. Sve se dogodilo u utorak popodne po lokalom vremenu i to zbog ukradenih stvari Kempa u noći prije toga.

‘U utorak uveče njegov automobil je obijen i ukradene su brojne stvari, uključujući i njego ajfon. Šon je pratio svoj telefon do vozila na parkingu tržnog centra u Takomi, a kada je prišao vozili da povrati svoju imovinu, lopovi su počeli da pucaju, na šta je on uzvratio vatrom u samoodbrani. Radnje gospodina Šona bile su razumne i pravno opravdane. Angažovao je advokate da ga zastupaju kako bi bio oslobođen svih optužbi.’ rekao je Boutman.

Šon je i ranije imao problema sa zakonom, pošto je 2006. godine uhapšen zbog posjedovanja oružja i droge.