Trener Budućnosti, Andrej Žakelj, bio je zadovoljan nakon sigurne pobjede svoje ekipe na gostovanju Igokei.
“Plavi” su slavili u Laktašima rezultatom 100:75 što im je bila druga pobjeda nad ekipom iz Bosne i Hercegovine za samo dvadesetak dana.
“Čestitam mojim igračima na pobjedi. Nikad nije lako igrati protiv Igokee. Igraju dobru košarku. Mi smo imali samo devet zdravih igrača, tako da nije bilo lako da se pripremi utakmica. Prvo poluvrijeme smo odigrali, pogotovo u odbrani, malo lošije, u nekim jedan na jedan situacijama i skoku. Drugo poluvrijeme je bilo mnogo bolje, čvršće i to se pokazalo na rezultatu”, rekao je on i dodao:
“Mislim da smo zasluženo dobili utakmicu. Idemo dalje. Igokei želim sve najbolje”, zaključio je Andrej Žakelj, strateg “plavih”.
REGISTRUJTE SE i pratite svoju omiljenu ponudu na jednom mjestu.
