Aktuelni šampion Formule 1 Maks Ferstapen nije želio da govori o svojoj budućnosti kada je razgovarao sa medijima uoči trke u Velikoj Britaniji.
Skaj Sport Italija plasirao je vijest da je četvorostruku svjetski šampion raskinuo ugovor sa Red Bulom, te da će naredne godine voziti Mercedes, tim za koji insajderi tvrde da najbolje napreduje u pripremama za novu eru šampionata.
Kao što to obično i radi, Ferstapen ni ovaj put nije želio apsolutno ništa otkriti medijima koji su se u velikom broju okupili u Silverstonu.
“Nemam šta da dodam na ono što sam rekao prošlog vikenda. Drugi ljudi pišu razne stvari, to je sjajno, ali nije za mene”, jasan je Ferstapen.
“Možete da govorite da je trava zelenija u tuđe dvorište zar ne? Mislim da u takvim situacijama morate ostati mirni, uživati u onome što radite jer mislim da sam do sada imao mnogo uspjeha. Ova sezona možda nije onakva kakvu smo željeli, ali i to se događa. Ponekad jednostavno neke stvari morate prihvatiti. Znam šta imam, znam šta mogu i to je u redu”, kaže Maks.
Registrujte se uz promo kod SPORT, preuzmite bonus i kladite se na najbolju sportsku ponudu klikom OVDJE.
Ferstapen je 2015. godine stigao u Red Bulovu mlađu ekipu, tadašnji Toro Roso, da bi već naredne sezone prešao u seniorski tim.
Ove sezone je pobijedio dvije trke, a trenutno zaostaje 61 bod za vodećim Oskarom Pjastrijem u poretku vozača.
“U Formuli 1 je jako teško uvijek biti u najbržem bolidu jer onda morate gledati u budućnosti. Ko bi prije dvije godine rekao da će ovo biti slučaj? Fokusiram se samo na pokušaj poboljšanja trenutne situacije”, kaže Maks i zaključuje:
“Nismo tamo gdje želimo biti, mislim da je to jasno, ali će se naredne godine mnogo toga promijeniti. To znači da čak i ako pokušate da napravite bolid sličan onome koji je sada najbrži, to ne zanči da će taj bolid biti najbrži i naredne godine. To je ono što Formula 1 i predstavlja.”
Šampionat Formule 1 nastavlja se ovog vikenda trkom za Veliku nagradu Velike Britanije.
