Prošlog vikenda rukometašice Budućnosti bile su daleko od iznenađenja na terenu Esbjerga, kojeg će dočekati u nedjelju, u osmom kolu Lige šampiona.
Nakon sedam rundi Budućnost je na nuli, pa je jasno da je čeka težak posao protiv jednog od najboljih timova u Evropi.
“Esbjerg je jedan od favorita za osvajanje titule, želi korak više nego prošle sezone. Osjetile smo ih prije sedam dana, znamo ih bolje, možda će sa te strane biti malo lakše, ali protiv njih, zapravo, nikada ne može da bude lakše. U tom meču smo ispoštovale zadatke, stvarale smo šanse, što je dobro protiv takve odbrane, ali i promašivale. Nadam se da ćemo da u realizaciji biti bolje i da ćemo da nastavimo da rastemo kao tim”, kazala je kapitenka Itana Grbić.
REGISTRUJTE SE i pratite svoju omiljenu ponudu na jednom mjestu.
Dugogodišnja reprezentativka vratila se ljetos u matični klub.
“Što sam starija, pokušavam da smanjim očekivanja. Moja očekivanja su mi bila i najveći neprijatelj u karijeri. Tako da nisam očekivala, već sam znala da je svaka djevojka vrijedna i talentovana, da je s razlogom u Budućnosti”, istakla je Grbić.
Za dobre rezultate potrebno je vrijeme, kako bi se uigrao mladi tim.
“Imamo mlad i neiskusan tim, a možda su neke mlađe djevojke dobile veću šansu zato što nije bilo ulaganja u sastav kao prethodnih godina, kada je Budućnost bila u vrhu. To raduje, s druge strane, jer one imaju privilegiju da igraju na najvećoj sceni, bez velikog pritiska, što je dobra situacija za njihov napredak. U bliskoj budućnosti, nadam se i povratkom nekih igračica, dobiće još veću priliku da se razvijaju i napreduju”, poručila je Itana Grbić.
Budućnost i Esbjerg igraće u nedjelju od 14 sati u “M:tel dvorani Morača”.
Pročitajte i ovo: Vučinić mijenja formaciju, “sokoli” traže pobjedu u Gibraltaru
