Siner o Alkarasu: Naše rivalstvo započelo je ovdje, vidjećemo šta će biti u finalu

Prvi teniser svijeta Janik Siner raduje se novom meču sa Karlosom Alkarasom

Janik Siner će titulu na US openu braniti protiv velikog rivala Karlosa Alkarasa.

Biće to njihov 15. međusobni susret, a u prethodnih 14 više uspjeha imao je Španac, koji je slavio devet puta.

Na prethodna dva Grend slema igrali su za trofej, Španac je slavio u Rolan Garosu, Italijan se revanširao na Vimbldonu.

“Imam osjećaj da je naše rivalstvo zapravo i počelo ovdje, kada smo odigrali nevjerovatan meč. Sada smo dvojica drugačijih igrača. Mnogo smo igrali jedan protiv drugog ove godine, tako da se veoma dobro poznajemo. Vidjećemo ko će se najbolje pripremiti. Ali u svakom slučaju, opet je bio nevjerovatan turnir i sjajan je osjećaj doći ovdje. Još jednom sam se vratio da igram pred vama. Zaista se radujem tome i hvala vam puno”, rekao je Siner.

Janik Siner i Karlos Alkaras će se za titulu na US openu boriti sjutra od 20 sati po našem vremenu.

REGISTRUJTE SE i pratite svoju omiljenu ponudu na jednom mjestu.