Fudbaleri Juventusa su se nakon velike borbe sa Lacijom plasirali u finale Kupa Italije, a Masimilijano Alegri svjestan je da se njegova ekipa mnogo mučila.
Lacio je uspio da nadoknadi minus dva iz Torina i imao je rezultat koji mu donosi produžetke. Sve do 83. minuta kada je Milik smanjio na 2:1 i odveo Staru damu u borbu za trofej.
“Bila je to utakmica patnje, ali znali smo da će takva biti. Posebno kada primite gol odmah iz prekida. Imali smo nekoliko šansi, preko Vlahovića i Bremera. Ali onda smo primili gol iz kontre i momci su bili na ivici sloma. Nikada nije lako doći do finala, a mi smo u posljednje tri godine dva puta igrali”, rekao je Alegri.
Po svemu sudeći Alegri vodi tim u posljednjoj sezoni ovog drugog mandata, u kojem još nije osvojio trofej, a jedina prilika mu je upravo finale kupa.
Registrujte se uz promo kod SPORT, preuzmite bonus i kladite se na najbolju sportsku ponudu klikom OVDJE.
