Fudbaleri Al Nasra savladali su Al Ahli u okviru sedmog kola saudijske Pro lige rezultatom 4:3 i tako nastavili trku za trenutnim liderom Al Itihadom.
Nakon lošeg starta sezone, Al Nasr je ušao u seriju dobrih rezultata.
U derbiju protiv Al Ahilja zabilježili su juče pobjedu koja ih je bodovno izjednačila sa protivnikom i smanjila zaostatak za prvoplasiranim Al Itihadom na svega tri boda.
Utakmicu su u redovima domaće ekipe obilježili dvostruki strijelci Kristijano Ronaldo i Anderson Taliska.
Već u četvrtom minutu Ronaldo je pogodio mrežu rivala na asistenciju Manea. Na drugi pogodak nije se dugo čekalo pa je u 17. minutu Taliska uvećao prednost ekipe Luisa Kastra.
Pogodak koji je vratio u igru Al Ahli postigao je doskorašnji fudbaler Barselone Frenk Kesi, da bi do kraja prvog poluvremena Taliska u šestom minutu sudijske nadoknade postigao najljepši pogodak na ovom meču.
Na odmor se pošlo sa rezultatom 3:1.
Rijad Marez je nakon pet minuta igre u drugom poluvremenu smanjio rezultat na 3:2, da bi nadu gostima novim pogotkom ugasio Kristijano Ronaldo svega dva minuta nakon toga.
Ronaldu je ovo bio deveti gol u sezoni i trenutno je prvi na listi strijelaca saudijske Pro lige.
Gosti su u 87. minutu samo uspjeli da ublaže poraz preko Al Birkana.
Al Nasr je trenutno na petom mjestu sa 15 bodova, koliko ima i Al Ahli dok prvoplasirani Al Itihad posle sedam kola ima tri boda više od njih.
Pročitajte i ovo:
