ARTETA ZADOVOLJAN: Saka nam je donio ono što želimo od napadača

Menadžer Arsenala Mikel Arteta ponosan je na reakciju njegovog tima nakon eliminacije iz Lige Evrope i ostvarenu pobjedu nad Kristal Palasom 4:1 u 28. kolu Premijer lige.

„Najviše su me impresionirali želja i energija koje smo uložili od samog starta. Bili smo odlučni, usredsređeni i ostavili smo četvrtak (eliminaciju iz Lige Evrope od Sportinga) za nama. Posle 120 minuta, morali smo opet na teren protiv teškog rivala. Palas možda u posljednje vrijeme nema dobre rezultate, ali ih je teško savladati. Bili smo dominantni i na pravi način smo koristili prostor kada bi se ukazao“, rekao je Arteta.

Vodeći pogodak postigao je Gabrijel Martineli.

„Izvanredna reakcija nakon što je promašio penal u četvrtak. Uvijek postoji pitanje kako će igrač reagovati, ali pitao sam ga juče kako mi je i rekao je: ’Želim da budem u timu’“.

Igrač utakmice bio je dvostruki strijelac i asistent Bukajo Saka.

„Bio je razočaran što nije postigao het-trik. Donio nam je ono što je potrebno, ono što želimo od napadača“.

Tobdžije sada imaju osam bodova više od drugoplasiranog Mančester sitija, uz meč više.