Fudbaleri Benfike večeras su pobijedili Salzburg u gostima rezultatom 1:3, u utakmici šestog kola Lige šampiona.
Benfika je time osigurala treće mjesto koje vodi u Ligu Evrope.
Razigrani Di Marija, koji je na kraju osvojio nagradu za igrača utakmice je dominirao terenom u prvom poluvremenu, najprije je postigao pogodak u 32. minutu za 0:1, a onda “namjestio” gol koji je pogodio Rafa Silva u drugom minutu nadoknade prvog poluvremena, za odlazak na pauzu pri rezultatu 0:2.
Odgovor “bikova” stigao je u 57. minutu meča kada je Sućič svojim golom smanjio na 1:2 na asistenciju Gluha, da bi u 76. minutu Koita postigao izjednačujući gol ali isti je poništen zbog ofsajda, te ostaje 1:2.
Artur Kabral je bio čovjek odluke za Benfiku večeras, on je u 92. minutu postigao gol za 1:3 i riješio pitanje pobjednika, kao i tri boda koja vode portugalce u Ligu Evrope.
Na “Đuzepe Meaci” Inter i Real Sosijedad su odigrali neriješenu utakmicu koja je završena 0:0, a utakmica nije imala rezultatski značaj, obzirom da su obije ekipe u prošlom kolu osigurale plasman u osminu finala.
