Fudbalski klub Čelsi počeo je pregovore sa čelnicima Pari Sen Žermena oko brazilskog napadača Nejmara koji se nalazi na izlaznim vratima francuskog kluba.
Dvije velike zvijezde francuskog kluba Nejmar i Lionel Mesi, u francuskim medijima predstavljeni su kao glavni razlog loše atmosfere u klubu.
Situacija je dodatno lošije jer je ekipa trenutno u krizi igre i rezultata, i PSŽ izgubio posljednje tri utakmice u nizu. Prvo od Marseja u domaćem kupu 1:2, potom u prvenstvu od Monaka 1:3 i na kraju je izgubljena domaća, prva utakmica osmine finala Lige šampiona od Bajerna 0:1.
Britanski mediji nisu naveli koliko je Čelsi blizu mogućeg dovođenja 31-godišnjeg Brazilca, ali su pregovori potvrđeni.
Nejmar je u karijeri igrao za tri kluba. Počeo je u brazilskom Santosu, a potom se preselio u Barselonu gdje je igrao od 2013. do 2017. godine. Nakon toga pa do danas je član Pari Sen Žermena.
