Mlađa ženska kadetska reprezentacija Crne Gore izgubila je od Kosova 2:0 i tako završila nastup na UEFA Razvojnom turniru u Albaniji.
Kosovo je na samom početku steklo prednost golovima Albe Šahini u 9. i 11. minutu meča.
Do kraja meča naša reprezentacija nije uspjela ni da smanji prednost pored nekoliko dobrih šansi u drugom poluvremenu, pa je tako zabilježila drugi poraz na turniru.
Selektor Marić je ponovo istakao da je rezultat na ovom turniru bio u drugom planu i da je bitno da je ekipa stekla iskustvo igranja na međunarodnoj sceni.
“Rano smo primili dva gola, ali smo nakon toga uspjeli da napravimo balans. U drugom poluvremenu smo bili bolji, pomašili nekoliko šansi, ali nismo uspjeli da postignemo gol. Ipak, na ovim turnirima rezultat je u drugom planu. Bitno je da najmlađe curice osjete kako je igrati međunarodne utakmice”, rekao je selektor Mirko Marić.
Crna Gora je na turniru u Albaniji upisala pobjedu nad Kazahstanom i poraze od Albanije i Kosova.
