Nekadašnji fudbaler Juventusa i Milana, Đanluka Zambrota, komentarisao je Seriju A, a posebnu pažnju je posvetio Antoniju Konteu i Dušanu Vlahoviću.
Zambrota je za “Gazetu” rekao kako on vidi dosadašnje stanje Serije A:
“Inter je dominirao prošle sezone u Seriji A, pa su oni glavna meta ove sezone.Ipak, Napoli je na vrhu, još ne igra Evropu,oni imaju vremena da se pripreme bolje za sve utakmice Serije A.Juventus je blizu, dobro su igrali u Ligi šampiona, mogu još bolje u Seriji A.Mogu da se bore za Skudeto.”
Đanluka Zambrota je posebno nahvalio trenera Napolija, Antonija Kontea:
“Kada sam stigao u Juventus, on je bio kapiten, imao sam ga i u reprezentaciji.Već tada je bio lider i motivator, čovjek iz svlačionice. Uvijek je fokusiran da ne izgubi.Uvijek traži najviše od igrača.”
Zambrota je imao samo riječi hvale i za igrača Juventusa, Dušana Vlahovića:
“Protiv Lajpiga je postigao dva izuzetna gola, baš kao pravi napadač.Ima nevjerovatne kvalitete, treba mu vremena i dobrih lopti, ali može on i sam da stvori šansu.Da, on može da stigne do 25-30 golova u sezoni.”
Đanluka Zambrota je u svojoj karijeri igrao za :Juventus, Milan, Bari, Barselonu, Komo.Sa Juventusom je osvojio četiri titule prvaka Italije.Sa reprezentacijom Italije osvojio je Svjetsko prvenstvo 2006. godine.
Registrujte se uz promo kod SPORT, preuzmite bonus i kladite se na najbolju sportsku ponudu klikom OVDJE.


