Hrvatima su prekidi hronični problem

Hrvatima već duže vrijeme prekidi prave probleme, pa je njihov selektor Zlatko Dalić govorio na pomenutu temu.

Dalić će dočekati desetak igrača u utorak i počinju sa pripremama za Evropsko prvenstvo, prekidi su Hrvatima problem još od Mundijala u Rusiji.

“To je naš hroničan problem koji dugo traje. Već sam rekao da možemo mi taj prekid da vježbamo cijeli trening, ali ako ti kao igrač nemaš tu odgovornost da zapneš sam sa sobom i kažeš sebi ‘neće mi dati gol moj igrač’, to je onda nešto drugo i tu svaki igrač mora da poradi na odgovornosti kod tog prekida. Sigurno se moramo drugačije posložiti i vježbati. Malo ćemo promijeniti način prekida, pokušaćemo da stanemo u zonu” naveo je Dalić.

Sa Hrvatima u grupi D takmičiće se Engleska, Češka i Škotska. je na programu od 11. juna do 11. jula.

“Prije smo branili svako svog čovjeka pa bi tu uvijek neko pobjegao i dao nam gol. Probaćemo sigurno da radimo na tome, ali najviše je na igračima koji moraju da odluče da njihov igrač neće skočiti i dati gol. Vježbaćemo to i radićemo na tome. Taj dio moramo mnogo da popravimo. To je nešto što moramo mnogo da popravimo. Taj segment odgovornosti i želje da ti igrač ne da gol iz prekida i drugačije se tu postaviti. Vježbaćemo”, zaključio je selektor Dalić.