Crna Gora je poslije velike borbe savladala Bosnu i Hercegovinu 3:2
Lijepe vijesti za crnogorski reprezentativni fudbal iz Grčke – naši omladinci pobijedili su Bosnu i Hercegovinu sa 3:2 i sa drugog mjesta u grupi, plasirali su se u Elitnu rundu kvalifikacija za prvenstvo Evrope.
Trijumf ekipi Gorana Perišića donijeli su mladići Budućnosti, koji su ove jeseni odigrali nekoliko dobrih utakmica u kvalifikacija za omladinsku Ligu šampiona.
Crna Gora je sjajno počela utakmicu i povela sa 2:0 poslije pet minuta i golova Danila Vukanića i Andreja Camaja.
Registrujte se uz promo kod SPORT, preuzmite bonus i kladite se na najbolju sportsku ponudu klikom OVDJE.
Posao je mladim “sokolima” otežan zbog isključenja Danila Ćetkovića, koji je za kratko vrijeme dobio dva žuta kartona i već u 25. minutu morao je u svlačionicu.
Znao je rival da iskoristi brojčanu prednost u nastavku i pogocima Kerima Alajbegovića i Kenana Muharemovića izjednači.
Imala je Crna Gora i u tom trenutku rezultat koji je vodi dalje, ali bi u tom slučaju morala da strijepi od ishoda susreta između Grčke i Italije.
Neizvjesnost je prekinuo još jedan mladić Budućnosti Andrej Kostić, golom za pobjedu dva minuta prije kraja.
Crna Gora je takmičenje u grupi završila sa dvije pobjede i porazom od Italije, koja je sa maksimalnih devet takođe izborila Elitnu rundu.
Pročitajte i ovo: Ivanović jasan pred dvomeč sa Bugarima: Želimo obje pobjede
