Fudbaleri Juventusa slavili su danas pobjedu u gostima nad Frozioneom rezultatom 2:1 u 17. kolu Serije A.
Juventus se očigledno oporavio od utakmice protiv Đenove u prethodnom kolu koju su odigrali neriješeno, a sada ima bod manje i utakmicu više od Intera, koji večeras dočekuje Leće.
Sve je savršeno krenulo za ekipu iz Torina, a možda još bolje za Kenana Jildiza, koji je golom u 12. minutu postao najmlađi strani fudbaler koji je postigao gol za “Staru Damu”. Da podsjetimo, Jildiz ima tek 18 godina.
Domaćin je izjednačio u 52. minutu boloma Baeza.
Dušan Vlahović je na teren ušao u 54. minutu, a u 82. je tresao mrežu Frozionea za konačnu pobjedu. Gol je postigao glavom nakon centaršuta Mekenija.
