U drugom terminu današnjeg programa šestog kola Serije A, pobjede su ostvarile ekipe Bolonje i Rome.
Bolonja protiv Pize nije imala puno problema, pa je na “Renato Dall'Ara” stadionu rezultat bio 4:0 u korist domaćina.
Piza je u dosadašnjih šest utakmica osvojila dva boda, a već na poluvremenu današnjeg meča imali su tri gola zaostatka.
Golove za Bolonju postigli su Kambijagi u 24, Moro u 38. i Orsolini u 40. minutu meča.
Konačan rezultat postavio je Jens Odegard koji je mrežu hrvatskog golmana Adrijana Sempera zatresao u 53. minutu.
Bolonja je ovim trijumfom prekinula loš niz od tri meča bez pobjede.
REGISTRUJTE SE i pratite svoju omiljenu ponudu na jednom mjestu.
U drugom meču Roma je poslije preokreta savladala Fiorentinu rezultatom 2:1.
Iako je Ken doveo Fiorentinu u vođstvo u 14. minutu, Roma je preokrenula u nastavku.
Sule je u 22. minutu poravnao rezultat, a preokret donio gol Brajana Kristantea nakon asistencije Argentinca u 30. minutu.
Roma se ovim trijumfom osamostalila na vrhu tabele sa 15 bodova i prebacila pritisak na Milan i Napoli koji večeras igraju svoje mečeve.
Pročitajte i ovo: Neporaženi Juventus čeka “naoštreni” Milan
