Fudbalska legenda Budućnosti Savo-Maco Rogošić preminuo je u 75. godini života, objavili su “plavo-bijeli”.
Savo Rogošić je 53 godine svog života podredio Budućnosti, što kao igrač što kao trener, a kompletna fudbalska javnost Crne Gore danas se oprašta od legende koja je ostavila neizbrisiv trag u najtrofejnijem crnogorskom klubu.
“Macova zaostavština kao igrača je ogromna, ali zaostavština kao trenera, prije svega mlađih kategorija, je enormna. Stvarao je, bio učitelj, prijatelj, pedagog… Veliki broj velikih igrača je prošao kroz njegove ruke, a sigurno je najponosniji na posljednji omladinski Kup Maršala Tita 1991. godine, koji je sa „svojom djecom“ osvojio protiv Rijeke nakon penala na Marakani”, dio je tekst kojim su se iz Budućnosti oprostili od Rogošića u objavi na društvenim mrežama.
REGISTRUJTE SE i pratite svoju omiljenu ponudu na jednom mjestu.
