Fudbalska reprezentacija Francuske drugi je finalista 22. izdanja Svjetskog prvenstva! Do meča za trofej, gdje ih čeka Argenitna, “trikolori” su stigli pobjedom nad Marokom – 2:0!
San afričke selekcije tako se završio večeras na “Al Bajtu”, dok je Francuzima ostao samo jedan korak do odbrane titule koju su osvojili prije četiri godine u Rusiji.
Nijesu Francuzi mogli zamisliti bolji početak pošto su več u petom minutu stigli do gola, a strijelac je bio Teo Ernandes koji je iskoristio odbitak i savladao Bona.
Iako je Maroko bio ofanzivan, Francuska je kontrolisala dešavanja na terenu, naročito na stedini, a vrlo lako je mogla do prednosti od 2:0.
Ipak, prvo je Žiru pogodio stativu, a potom i Mbape nije bio precizan.
U samom finišu prvog dijela, je mogao to da kazni, ali je El Jamik, “makazicama” pogodio stativu.
Drugi dio igre bolje su otvorili Marokanci. Imali je afrička selekcija nekoliko ozbiljnih napada po strana, prioje svega preko Bufala, a onda i rezerviste Atije-Alaha, ali ništa nije donijelo rezultata.
Naprotiv, svega 44 sekunde nakon što je ušao u igru, Kolo Muani je pogodio u 79. minutu i tako stavio tačku na ovaj meč.
