Andrej Žakelj, trener košarkaša Budućnost Voli, istakao je da ih čeka još jedan težak meč u gostima.
“Plavi” u nedjelju u 12 časova gostuju Megi u Beogradu.
“Još jedan veoma težak meč u gostima je pred nama protiv tima koji igra jako dobru košarku, dosta otvorenu, dosta jednostavnu košarku. Sa puno trčanja, agresivnosti, skokova i mislim ako želimo da ostvarimo dobar rezultat, moramo biti baš dobro fokusirani i da obratimo pažnju osnovne stvari što se tiče trčanja, skokova, indivindualne karakteristike igrača… Čeka nas težak meč, ali sa pravim pristupom koji ja očekujem, favoriti smo i moramo to da opravdamo”, istakao je trener Budućnosti Andrej Žakelj.
