Košarkaši Budućnost Volija su večeras u “Morači” savladali košarkaše Zadra rezultatom 84:69, a kapiten ekipe Suad Šehović je tek u 12. meču ove sezone odigrao svoje prve minute.
Izabranici Aleksandra Džikića su rutinski savladali ekipu Zadra i vratili se na pobjednički niz nakon poraza od Mege i Venecije.
Kapiten Suad Šehović je u 12. utakmici ove sezone po prvi put zaigrao i odmah na startu postigao tri trojke, te dobio ovacije podgoričke publike nakon što ih je podsjetio kakvo oružje imaju na klupi.
Budućnost Voli je sigurno čuvala prednost tokom cijele utakmice koja je išla i do plus 21 u drugom poluvremenu.
