Dubai sa oprezom dolazi u Bar

Nastavlja se ABA liga

Iako za razliku od Mornara igraju odličnu sezonu, košarkaši Dubaija ne potcjenjuju ekipu Mihaila Pavićevića pred meč 27. kola ABA lige.

Trener Jurica Golemac ne očekuje laku utakmicu u “Topolici”.

“Igramo u gostima, a u ABA ligi nema lakih gostujućih mečeva. Mornar možda nema najbolje rezultate ove sezone, ali su u više mečeva bili veoma blizu i jednostavno im je falilo malo sreće. U posljednjim utakmicama su igrali jako dobro, tako da očekujemo težak duel. Temeljno smo se pripremili, analizirali njihovu igru i dolazimo spremni, ali znamo da neće biti lako. Moraćemo da odigramo jednu od naših najboljih partija ako želimo da se vratimo sa pobjedom”, rekao je Golemac.

Na sličan način razmišlja i bek Danilo Anđušić.

„Rezultat Mornara nas ne smije opustiti, dolazimo potpuno fokusirani. Kako se bližimo plej-ofu, radimo na tome da budemo sve bolji iz utakmice u utakmicu, iz nedjelje u nedjelju… Ako ostanemo koncentrisani i odigramo našu igru od početka do kraja, obavićemo posao”, kazao je bivši košarkaš Partizana.

Dubai se bori za treće mjesto pred plej-of, ima pobjedu više od Crvene zvezde i zbog toga je ova utakmica za njih veoma bitna.

Meč u “Topolici” počeće u 19 sati.

Registrujte se uz promo kod SPORT, preuzmite bonus i kladite se na najbolju sportsku ponudu klikom OVDJE.