Jasikevičius: Svaka titula osvaja se krvlju i znojem

Šef stručnog štaba Barselone, Šarunas Jasikevičius bio je ponosan na svoj tim nakon preokreta i pobjede u finalu Kupa Kralja protiv Real Madrida.

Barselona je slavila protiv Real Madrida sa 64:59 iako su u prvom poluvremenu imali minus i od 16 poena.

„Čestitam igračima i navijačima, nikada ih nisam vidio toliko na Kupu. Ovo je veoma važno za naš klub. Pripremali smo se za ovaj meč, ali nekad nije lako. Malo smo bili šokirani na startu, bila je to evroligaška odbrana, uvijek se mijenjala, stavili su visokog igrača da čuva našeg pleja. Možda ih ni ja nisam dobro pripremio. Moramo da budemo ponosni na reakciju tima i na to kako smo patili prije nego što smo okrenuli“, rekao je Jasikevičius i dodao:

„Poslije prve četvrtine je naša odbrana bila odlična, sveli smo ih na niske procente. Željeli smo tako da pobijedimo, da probamo da promijenimo utakmicu. U drugom poluvremenu smo bili dobri i napadački. Treba da proslavimo ovaj trofej“.

Treneru nije bilo svejedno na poluvremenu.

„Jesam bio zabrinut zbog njihovih izraza lica, rezultat nije bio toliko važan. Vidio sam da niko ništa ne govori, ni na klupi ni na terenu, a plejmejkeri me nisu slušali. Bili smo hladni i bila nam je potrebna iskra koju smo pronašli u nastavku. Svaka titula osvaja se krvlju i znojem. Kapa dolje momcima“, rekao je .