Košarkaš Golden Stejta Stef Kari priznaje da je ekipi teško pala činjenica da neće biti dio plej-ofa NBA lige.
Voriorsi su izgubili od Memfisa poslije produžetka 117:112 i tako ispustili posljednju šansu da se preko plej-ina domognu doigravanja.
„Čudno je sve ovo. Ali imali smo dobar razgovor u svlačionici poslije meča gdje su se svi držali za stomake, razočarani, frustrirani što je ovo kraj i što ispadamo. Međutim u redu je da se bodrimo jer smo uradili nešto što niko ne bi mogao. Ne mislim da postoje moralne pobjede. Međutim ovo je čudno jer nismo na ovo navikli, ali sigurno je da smo ponosni na sebe”, kazao je Kari, koji je u porazu od Memfisa ubacio 39 poena.
Najbolji igrač Golden Stejta je u finalnom izboru za MVP nagradu regularnog dijela sezone.



Balsa
Zao mi zbog Karija,ovakav igrac je zasluzio da igra plej of.
Mateja
Drejmond užas u napadu! Bolje što su ispali, da se ne brukaju!