Rej Alen, dvostruki osvajač NBA lige, pričao je o dva igrača koja mnogi smatraju najvećim košarkašima svih vremena.
Rej Alen je imao sreću da na terenu bude i sa jednim i sa drugim. Protiv Majkl Džordana je igrao, dok je sa Lebronom osvojio titulu u Majamiju.
“Kao dijete uvijek sam razmišljao o tome šta bi Majkl Džordan učinio u datoj situaciji. Divio sam se načinu na koji je bio odjeven, divio se načinu kako se ponaša na terenu i kako se nosi sa popularnošću. Bio je moćan protivnik, ali uvijek je ostao džentlmen. Kad je napustio teren, komunicirao je sa svima sa kim je mogao, a ljudi su ga voljeli,” rekao je Rej Alen.
Alen koji je bio jedan od najboljih šutera za tri poena u istoriji NBA lige sa Lebronom je bio saigrač u Majamiju kada je u taj tim prešao iz Boston Seltiksa.
“Lebron ima istu energiju kao Majkl Džordan. Ljudi vole da ga vide i on uvijek pronađe međusobno razumijevanje sa ljudima. Oduvjek sam cijenio što svoj status ne demonstrira pred ljudima, kada pored njih prolazi. Kada bismo šetali tržnim centrom, smijao bi se, šalio se sa ljudima i dobro se zabavljao,”
Rej Alen je prije titule sa Majamijem osvojio titulu i sa Boston Seltiksima kada je zajedno u ekipi bio sa Kevin Garnetom i Pol Pirsom.
