Trener Budućnosti Andrej Žakelj smatra da njegova ekipa nije odigrala kako treba na startu Evrokupa.
“Plavi” su u srijedu izgubili od Bešiktaša u Istanbulu rezultatom 94:76.
“Zaslužena pobjeda Bešiktaša, odigrali su čvršče i pametnije od nas. Od početka nismo igrali kako treba, a meni najviše smeta pristup meču koji su igrači imali. Sve ostalo ćemo popraviti”, kazao je slovenački stručnjak.
Ekipu Budućnosti već za dva dana čeka novi izazov – u “Moraču” stiže ekipa Splita.
“Moramo da analiziramo ovaj meč i već polako da razmišljamo o Splitu. Više ćemo se baviti doduše nama, nego rivalom, jer treba da ispravimo naše greške”, kazao je trener “plavih”.
Registrujte se uz promo kod SPORT, preuzmite bonus i kladite se na najbolju sportsku ponudu klikom OVDJE.


