Crna Gora igra za Svjetsko prvenstvo
Da bi put ka Svjetskom prvenstvu za crnogorske rukometašice bio lakši, važno je pobijediti u Portugalu, u prvoj utakmici baraža za odlazak na Mundijal.
Iskusna golmanka Marta Batinović nada se da će “lavice” pokazati da su bolji tim, iako ne potcjenjuje rivala.
“Favoriti smo, ali danas svako igra rukomet i mislim da ćemo imati tešku utakmicu, pogotovo što smo mlada ekipa, ima puno debitantkinja, tako da, spremne smo na sve. Sigurno da su nam nepoznanica. Nisu ekipa sa kojom smo inače igrali, ali mislim da ih treba shvatiti ozbiljno, od prvog minuta napraviti što bolji rezultat i dočekati ih u subotu u našoj hali. Idemo na pobjedu, ni u jednom momentu nećemo razmišljati o ničemu drugom.“, rekla je Batinović.
Portugal je selekcija od koje se u budućnosti očekuju dobri rezultati, a Batinović ističe da je ovaj dvomeč šansa i za naše mlade igračica da opravdaju mjesto u dresu reprezentacije.
“Nepoznanica su, jer nemamo se baš priliku da se sretnemo sa takvim ekipama. Imaju izuzetno i dobre šutere, trče dobro, tako da imaju ekipu koja će rasti iz godine u godinu. Moramo to da shvatimo ozbiljno jer smo mlada ekipa, dosta se cura oprostilo, pa će mlade nade morati da pokazažu zašto su tu i opravdati mjesto u reprezentaciji“, dodala je naša golmanka.
Sjutrašnji susret počeće u 20 sati.
Registrujte se uz promo kod SPORT, preuzmite bonus i kladite se na najbolju sportsku ponudu klikom OVDJE.
