Danas su odigrane utakmice 13. kola Amplitudo 2.CFL. Sigurne pobjede Jedinstva, Arsenala i Bokelja, Igalo iznenadilo Kom, podjela bodova u Radanovićima.
Jedinstvo je došlo do novog trijumfa i zadržalo prednost u odnosu na Arsenal i Bokelj. Tim iz Bijelog Polja pokazao je kvalitet u duelu sa Cetinjem i lako došao do pobjede 0:4. Golove za gostujući tim postigli su Hajrović, Kolić, Korać i Čujović a treba napomenuti da je Cetinje imalo igrača manje od 55. minuta kada je Marković zaradio drugi žuti karton.
Negativnu seriju rezultata prekinuo je Bokelj pobjedom protiv Berana 0:2. Kotorani su do prednosti došli u završnici prvog dijela kada je Mitar Globarević savladao Akovića da bi pobjedu osigurao rezervista Petar Čavor u 68. minutu.
Arsenal je u pravoj goleadi došao do nove pobjede, čak 5:2 protiv Titograda koji je i dalje jedini tim bez pobjede u Amplitudo 2.CFL. Početak utakmice je nagovijestio takav scenario, Ćetko Manojlović je postigao vodeći gol u 3. minutu, a već u 7. prednost je dupirao Jasmin Muhović. Gosti su smanjili prednost preko kapitena Vula Vujačića u 14. minutu ali je Ivan Bulatović u 17. minutu vratio dva gola prednosti Tivćanima.
Do kraja prvog dijela, Manojlović je sa bijele tačke pogodio za Arsenal dok je Šušić smanjio na 4:2 za Titograd. Do kraja utakmice, u listu strijelaca upisao se Todorović i postavio konačnih 5:2 za Arsenal.
Igalo je slavilo na gostovanju Komu 0:1 dok su Grbalj i Mladost DG podijelili bodove u Radanovićima.
2.CFL 21/22
| 1. | JEDINSTVO | 13 | +17 | 30 |
| 2. | BOKELJ | 13 | +12 | 26 |
| 3. | ARSENAL | 12 | +11 | 26 |
| 4. | OFK MLADOST DG | 13 | +3 | 22 |
| 5. | IGALO | 12 | +6 | 17 |
| 6. | KOM | 13 | -4 | 16 |
| 7. | BERANE | 13 | -5 | 16 |
| 8. | CETINJE | 13 | -9 | 13 |
| 9. | GRBALJ | 13 | -11 | 10 |
| 10. | OFK TITOGRAD | 13 | -20 | 4 |
