Fudbaleri Dunajske Strede pobjedom ekipom Michalovce (2:1) u polufinalu plej-ofa došli su na korak da obezbijede kvalifikacije za Ligu konferencija.
Ekipe od četvrte do sedme pozicije u najjačoj ligi Slovačke bore se za posljednje mjesto koje vodi u kvalifikacije za Ligu konferencija preko dodatnog plej-ofa.
Dunajska Streda je do pobjede na ovom susretu došla teže od očekivanog, a junak je bio crnogorski napadač Viktor Đukanović.
Poveli su gosti na “MOL areni” u 15. minutu golom Kizirdisa, da bi rezultat poravnao Kačaraba u 43. minutu.
Registrujte se uz promo kod SPORT, preuzmite bonus i kladite se na najbolju sportsku ponudu klikom OVDJE.
Dunajskoj Stredi je pobjedu i mjesto u finalu donio gol Viktora Đukanovića poslije 12 minuta igre u drugom poluvremenu.
Crnogorski napadač je odlično prihvatio dugu loptu Andzuana i rutinskom realzacijom postavio konačan rezultat susreta.
Bio je ovo četvrti gol na posljednjih osam utakmica za Đukanovića koji je uz golgeterski učinak zabilježio i asistenciju na utakmici protiv Slovana iz Bratislave u okviru sedme runde plej-ofa.
Na putu do evropskih kvalifikacija Dunajskoj Stredi je ostalo da savlada ekipu Podbrezove koja je plej-of završila na šestoj poziciji i u polufinalu eliminisala petoplasiranu ekipu Košica, nakon boljeg izvođenja jedanaesteraca.
Utakmica na “MOL areni” između Dunajske Strede i Podbrezove zakazana je za 23. maj od 18 sati.
Pročitajte i ovo: Mijatović je prije 27 godina donio trofej koji su u Madridu čekali više od tri decenije
