Košarkaš Real Madrida Mario Hezonja nije imao zamjerki na atmosferu u Beogradu, gdje je njegov tim slavio sa 80:82.
Real Madrid je savladao Partizan u trećem meču plej-of serije sa 80:82 i tako smanjio na 2:1 u seriji.
‘Cijeli svijet je znao kakva će biti atmosfera, jer su ovo sigurno jedni od najboljih navijača na svijetu. U situaciji smo kakvoj jesmo, znali smo da nas čeka paklen doček ovdje. Ipak, kapa dolje svima, sve je prošlo bez problema, ljudi navijaju za svoj tim. Ja da sam ovdje, isto bih se drao protiv Reala. Bravo za njihovu ekipu, igrali su odlično.’ rekao je Hezonja.
Mardiđani su nadoknadili -15 i na kraju slavili u prepunoj ‘Štark Areni’. Mario je rekao da su pred utakmicu mirno spavali.
‘Spavamo mi lagano svakako, to nam je možda nekada i problem. Sve je u redu, nikakvih problema nijesmo imali. Kapa dolje Željku koji je smirivao i svaka čast igračima, znao sam da neće biti problema.’
